卷三(6/16)

聊且遣消魂。凌烟便晓人心事，低声因共映娘陈：“丽娘日日惟思睡，只觉粉消香冷好愁人。就系姐你花容近日多消瘦，真系减却秋波一半神。唔知姐你因何故？硬就大家都系咁消魂。我想白生为姐耽愁病，如今正得稍精神。哩下坚意若还唔睬佢，只怕为姐伤情病又侵，误佢做个相思鬼，问我娇娘点样得安心？况且女慕男才从古道，唔信锺情我地独非人。姐罢谁家明月能离夜？何处东风不嫁春？鸳鸟水边交颈宿，女萝丝附木瓜身。我想佳人若系无才子，虚度韶光在世尘。”

    映娘时见凌烟语，佢就回头一看丽娘身。只见贪睡海棠犹未醒，轻轻因就把言陈：“你话客馆有人长抱病，怕佢唔能消得几黄昏，谁想闺中亦有人耽闷，只系半句难将说与人。况又未知丽姐心中事，所以幽恨摇摇只自禁。”凌烟笑唤：“贤娇姐！谁知你亦梦中人。你话白生此病因何好？总系丽娘药救佢还魂，系将一件罗衫仔，密地偷偷叫绮琴，送去白生煎水饮，果然饮了就精神。昨日绮琴同我讲，佢话我个仙方实抵银。因此奴奴才晓得，做乜娇娇你尚未知闻。”说来引得何娇姐，频呼：“假唠”几多匀，“怪道我件罗衫仔，昨日寻穿不见人，定系着佢偷去为手赆，将来做药醒痴魂。做乜姐佢专慷他人慨，畀我私衣送与人？仔细算来唔忿气，等我又来馒慢弄她身。”就时又嘱凌烟婢：“你今且莫乱谈论。”

    语中忽见裴娇姐，睡来已醒海棠魂。香鬓垂肩轻坐起，笑呼：“映姐我同心，你地大家言乜事？做乜都唔说过我知闻？”映姐就将他事答，闲来共话到黄昏。正系欢笑易谈惟好且，悲歌难写是愁人。

    闷怀寄咏

    生自病除返到馆，捱年为日又经旬。一朝闷倚栏杆坐，只见并梧飞叶到亭阴。检历始知秋已到，无言因又细思寻。偷偷想起逢娇日，正系清明三月好芳春。今日夏残秋又到，做乜事尚唔成得半分？凄凄不觉添惆怅，因就散步香园又柳阴。企来便把高楼望，唔想帘帏低垂不见人。就时欲展双翱翅，飞上红楼会玉人。独系身非彩凤难生翼，搔首寻思愈怆神。

    遂又转从芳径去，迟迟行到一花林。近池细把残荷看，隔苑听来有笑音。起眼那堪看不见。摇摇只觉恨难禁。暗里几回愁欲绝，佢就狂歌因把古诗吟：

    裙拖六幅湘江水，鬓挽巫山一段云
本章还未完，请点击下一页继续阅读>>>